抖暑過後, 漫長嘅球季又開始喇, yeah!!
西甲轉播權仍然未知花落誰家, 唔理最後係how定k寶奪得播映權, 損失嘅始終係全港球迷。
英超方面, 今屆睇嚟有隊似樣d嘅big5曼城, 維拉跌晒watt, 熱刺一對曼魚就腳仔軟, 希望曼城可以打破多年big4壟斷局面啦!
至於我嘅愛隊阿仙奴, 雲格似乎唔太識用賓特拿, 身高超過一米九嘅前鋒竟然用嚟打右翼, 真係嘥料!!
曼魚都仲係一世死好運, 利記又兵源不足, 希望車仔爭氣d同曼魚揮吓啦!
意甲方面, 都係睇咗兩場大戰, 國米人強馬壯, 其他都應該都好難匹敵, AC就真係老弱殘兵, 保得住歐聯席位都已經還得神落! 祖記似乎有料到, 但d前鋒又好似麻麻。
不過, 唔理最後邊隊跑出, 都係希望見證一個激烈嘅球季, 然後投入世界杯嘅懷抱, gogogo!!!
