自從Neway同加州紅反咗面之後, 大家各自有獨家歌, 對消費者嚟講其實唔係一件好事。
Neway獨家金牌大風d歌, 不過對呢間公司d歌就麻麻地識, 所以都係鐘意去返Green Box, 起碼多d識唱嘅新歌啦!
不過Neway分店多就腳d, 仍然都不乏捧場客, 不過老鄭仍然會奉陪嘅。
去k就一定有啤酒妹promote, 今次亦唔例外, 啤酒妹promote嘅係$999五位package, 仲好有心機計埋條數話幾抵幾抵添! 既然係咁抵, 就幫襯吓人地囉!
埋單嘅時候, 循例check單, 點知發覺個package係$1199, 足足貴咗$200, 當然就要質問吓係咪計錯數啦!
一問之下, 原來係個啤酒妹玩嘢(定係一早夾定呢??), 妹妹仔sell我地$999(呢個係星期一至四價), 另一邊廂就同Neway講我地要$1199package(呢個係weekend價), 估唔到啤酒妹為咗開單竟然不擇手段!!!
經理就當然話唔關佢事啦(都唔知係咪扯貓尾), 話個啤酒妹唔係佢員工, 人地又已經收咗工……死無對證, 佢講咩都得架啦! 不過當時已經係凌晨3點幾, 加上勁眼瞓而數目又唔係太多, 所以我地都冇再嘈落去。
不過呢d咁卑鄙嘅事情我一定會公諸於世, 呢d不良嘅經營手法, 每個weekend都唔知扼扼埋埋幾多錢, 今次就話差兩舊水啫, 下次差成千蚊佢咪好著數?
所以大家以後去唱k一定要小心d, 同埋要check單(佢一定係見d人半夜三更飲到迷迷糊糊或者係勁眼瞓所以搏大霧), 千祈唔好俾呢d無良奸商掠水!!!
呢d不良經營手法一定要傳開去, 一傳十, 十傳百, 等全香港人都知道「
