今年才26歲的楊丞琳, 原來已經出道十個年頭, 踏入第一個Perfect 10 
熟悉我的朋友應該都會知道我喜歡容祖兒, 不過可能大家不知道我更喜歡楊丞琳呢! 
還記得某年某天聽到「曖昧」這首歌, 我就超愛上這把甜美的聲音, 再加上一首「只想愛你」, 令楊丞琳成為我的「新寵」, 就像之前喜歡的陳慧琳和容祖兒一樣, 都是先被那動人的歌聲吸引著(「一切很美只因有你」及「未知」), 到後來才見到廬山真面目。(註: 雖然那時楊丞琳已出道多年, 但我那時真的不認識她)
其實N年前流星花園的小優就正正就是楊丞琳, 不過當時印象不深, 很快就忘記了。
之後聽過一首歌「一千零一個願望」, 蠻好聽的, 只是不知道原來是楊丞琳的組合「4 in love」所唱的。
除唱歌之外, 楊丞琳也拍了不少偶像劇, 而我亦看了幾齣, 包括近期熱爆的「海派甜心」, 令人耳目一新的「不良笑花」及清純一點的「換換愛」, 蠻好看呢!
今次推介的節目是去年中播放的, 和一般的台灣綜藝節目不同, 這個是一個內地節目, 訪問當中會更加深入認識楊丞琳這個年紀小小就出道的半熟女孩, 鮮為人知的成長過程真的很感人喔!
楊丞琳是單親家庭長大...
楊丞琳背負了一千萬台幣的債務...
楊丞琳未入演藝界之前的三年內參加了至少50個比賽都是屢戰屢敗屢敗屢戰...
楊丞琳第一次簽名會只有三個人排隊, 數目比組合的四個人還少...
楊丞琳有一個很愛她的媽媽...
今天, 多才多藝的楊丞琳出了一張日文碟, 正式進軍日本, 祝願她成功登陸!!
(閱讀全文)
最近睇咗套舊台劇「換換愛」, 當年仍是少女嘅Rainie (宜家已經升呢做「半熟」) , 蠻吸引呢!
童嘉蒂係一個心地好善良好單純嘅女仔, 如果宮心計果個係「三好」, 咁童嘉蒂就係「十好」喇! 佢一直惡運纏身, 要幫屋企人揹咗一大筆債, 每日返學之餘仲要做好多份工幫補家計, 仲有個好唔爭氣嘅叔叔同細佬, 日子好難過, 但卻仍然可以好樂觀咁面對逆境。
童嘉蒂係一個超級慳妹, 一分一毫都計過點用, 一d都唔浪費d嘢, 真係好似我, 哈哈!
愛錢不可恥．胡亂花錢才可恥
省錢不可恥．伸手要錢才可恥
沒錢不可恥．有錢不賺才可恥
其實我都好唔鐘意d人亂花錢, 所以我唔會俾雙倍價錢去酒店食一個蛋撻, 唔會俾幾十蚊去兜巴克飲杯咖啡, 唔會成日買埋d唔等駛嘅嘢, 仲有唔會買名牌.......總之要奢侈就唔啱我啦!
如果世上有一個童嘉蒂喺我面前出現, 唔知點樣可以兌換呢? 
至於換換愛嘅劇情同感情瓜葛就唔多講喇! 有興趣就自己去睇番啦!
最後, 當然要推介勁好聽嘅「缺氧」, 非常觸動人心喔!
今年外遊特別多, 由情人節初戰台灣, 到復活節澳門喪食團, 到炎夏長隆透心涼水上動L大戰, 最後到年尾上海杭州靚人靚景自由行, 每一個旅途都係充滿歡樂、充滿驚喜, 真係好想好想好想好想快d再去旅行呀!!!
09年身邊囍事一浪接一浪, 較剪姊妹花不約而同都喺十月出閣, 當然仲有海獅靚媽, 同埋一齊征戰球場多年嘅波友, 希望每一對新人都能夠過住幸福美滿嘅生活, 長長久久。
足球方面, 傷患困擾咗半年, 嚴重影響發揮, 經根治後到年尾先可以重新踏進球場, 不過狀態仍有待回升, 希望可以盡快回復昔日水準啦!
12月東亞運創造咗好多過傳奇一刻, 全城投入東亞運, 真係好感動呀!!!
朋友方面, 唔知點解有d人越嚟越古怪, 攪到都唔係咁想聯絡, 唯有unfriend佢哋啦!
渡過咗高低起伏嘅一年, 展望twenty-ten可以平穩過渡, 身邊個個都健康快樂就得架喇!
